Türkmenistanda agaç ekmek boýunça ýowara we Nowruz baýramyna taýýarlyk görülýär.
Türkmen hökümeti bu taýýarlyklara 19-njy martda geçiren maslahatynda wajyp meseleleriň arasynda seretdi.
Resmi maglumatlara görä, döwlet baştutany 21-nji martda geçiriljek ýowaryň ýokary derejede üpjün edilmegini tabşyrypdyr. Türkmenistanyň häkimiýetleri ýylda 3 million düýp nahal ekilýändigini aýdýarlar. Häkimiýetleriň guramaçylygynda geçirilýän bu çärelere döwlet işgärleri, okuw jaýlarynyň okuwçylary köpçülikleýin çekilýär.
22-nji martda Türkmenistanda Nowruz baýramy bellener. Baýramçylyk çäreleriniň adatça geçirilýän ýeri paýtagtyň golaýyndaky Ak bugdaý etrabynyň Nowruz ýaýlasynda birnäçe gün bäri müňlerçe çäreçileriň gatnaşmagynda maşklar geçirilýär.